Nə vaxtsa küçələri, gəzdiyimiz yolları süpürən, ağır iş rejimində çalışan nənələrimizə, xalalarımıza təşəkkür etmisinizmi?
Nə vaxtsa küçələri, gəzdiyimiz yolları süpürən, ağır iş rejimində çalışan nənələrimizə, xalalarımıza təşəkkür etmisinizmi?
Bayramda hədiyyədən daha çox deyilən xoş sözlər, arzular və gülən üzlər yadda qalır.
Müxtəlif sosial tədbirlər həyata keçirən “Biz Birlikdəyik” qrupu 8 Mart günündə qeyri-adi layihə təşkil edib. Belə ki, 8 mart səhəri küçələri süpürən qadınları sevindirmək, onların üzündəki təbəssümü görmək üçün layihə təşkilatçıları hədiyyələr hazırlayıb, ianələrə və dəstəklərə açıq olduğunu bildirib. Layihənin təşəbbüskarı Günel xanım TİA.AZ-a bildirdi ki, 8 Mart
Qadınlar Bayramı günündə şəhərimizin müxtəlif küçələrində təmizlik işlərini həyata keçirən fədakar qadınlarımızı sevindirmək, bu qədər çətin iş rejimində çalışan, səhər erkəndən işə başlayan qadınlarımıza bir xüsusi gün hədiyyə etmək istəyirik: “Hər gün yorulmadan, hava şəraitindən asılı olmayaraq küçələri təmizləyən xanımların heç olmasa bir gününü özəl edək. 8 Mart bayramında küçə təmizliyi ilə məşğul olan xanımlarımız hədiyyə alsın, üzlərində gülüş olsun. Bunun üçün hər xanıma hədiyyə qutusu hazırlamışıq. 
Qutuda kələğayı, şərf, corab və lasin (kalqotka), gözəllik və baxım məhsulları -әl kremi, ayaq kremi, günəşdən qoruyucu krem, şampun, daraq, şirniyyat, gül buketi və çay paketi olacaq”.
Layihəyə dəstək olmaq üçün ObaNatur şirkəti də kampaniyaya qoşulub. Şirkət müxtəlif ərzaq məhsullarından – mürəbbə, bal, meyvə qurusu, çay və s. yardımı edəcəklər. Dəstəkçi ianə etdiyi təbii Zaqatala çayı olan “rozmarinli çay”ı kiçik hədiyyə bağlamalarında təqdim edəcək: “Ümid edirəm ki, rozmarinli çay iş gününün sonunda zəhmətkeş xanımlarımızın, nənələrimizin yorğunluğunu azca da olsa azaldacaq. Hədiyyə paketləri isə xüsusi zövqlə paketlənəcək”.
Qeyd edək ki, ObaNatur şirkətinin bu kampaniyasına hər kəs qoşula bilər, ehtiyacı olan xanımlara ərzaq səbəti göndərə bilər. Bunun üçün obanatur.az sifariş etdiyiniz zaman qeyd hissəsinə “8 mart xeyriyyə” yazmağı unutmayın.
“8 Mart Qadınlar Bayramı” ilə bağlı layihəmiz üçün hər hansı bir ianə etmək istəyən AF Biznes Mərkəzinə səhər 09:00-dan 19:00-dək gələ bilər.
İlahə
