Dövlət Miqrasiya Xidməti (DMX) tərəfindən qanunsuz miqrasiyaya qarşı keçirilmiş tədbirlər zamanı 1 nəfər İraq vətəndaşı Ahmad Abdulhaq İsmael saxlanılıb.
Dövlət Miqrasiya Xidməti (DMX) tərəfindən qanunsuz miqrasiyaya qarşı keçirilmiş tədbirlər zamanı 1 nəfər İraq vətəndaşı Ahmad Abdulhaq İsmael saxlanılıb.
DMX-dan TİA.AZ-a verilən məlumata görə, araşdırma zamanı A. A. İsmaelin İraq vətəndaşlarının təhsil adı altında xarici ölkələrə göndərilmələrini təşkil etdiyi məlum olub. “Ahmad Abdulhaq İsmael İraqın Kərkük şəhərində fəaliyyət göstərən “Karkuk Center for Education Services” şirkətinə rəhbərlik etdiyi dövrdə İraq vətəndaşlarının təhsil məqsədilə İordaniya Haşimi Krallığı, Rusiya Federasiyası, Ukrayna, Malayziya, Hindistan kimi ölkələrə göndərilmələrini təşkil edib. 2016-cı ildən başlayaraq, Ahmad Abdulhaq İsmael həmvətənlərini aldadaraq, Azərbaycana göndərilməsini təşkil etməyə başlayıb.
Ahmad Abdulhaq İsmael ölkəmizdə fəaliyyət göstərən ali təhsil müəssisələrində təhsil almaq adı altında 30 nəfər İraq vətəndaşının müəyyən məbləğdə ödəniş qarşılığında Azərbaycana gətirilməsini təşkil edib və onları müxtəlif ünvanlarda yerləşdirib. Lakin həmin əcnəbilərin burada ali təhsil müəssisələrinə qəbul edilmələri üçün zəruri prosedurları yerinə yetirməyib və həmvətənlərindən dələduzluq yolu ilə aldığı küllü miqdarda vəsaiti mənimsəyib” – deyə DMX-dan bildirilib.
Qeyd olunub ki, faktlarla bağlı A. A. İsmaelin müvafiq məsuliyyətə cəlb edilməsi istiqamətində tədbirlər görülür
