HƏMAS İsrailə qarşı müharibə elan edib.
Tribunainfo.az xəbər verir ki, bunu İsrailin müdafiə naziri Yoav Qallant bildirib.
Nazir qeyd edib ki, bu gün Qəzza zolağından İsrail ərazisinə başlayan genişmiqyaslı raket hücumlarına cavab olaraq ölkəsinin Silahlı Qüvvələri döyüş əməliyyatlarına başlayıb.
İsrail Müdafiə Qüvvələrinin mətbuat xidmətinin məlumatına əsasən, ordu Qəzza zolağında “Dəmir Qılınclar” (“Iron Swords”) adı altında hərbi əməliyyatlar keçirir.
İsrail prezidenti İsxak Hersoq baş verənlərə “X” platformasında münasibət bildirib və ölkəsinin çətin dövr yaşadığını qeyd edib. İsrail rəhbəri xalqına və ordusuna tam dəstəyini ifadə edib: “Mən İsrail ordusunu, onun komandirlərini, hərbçilərini və bütün təhlükəsizlik xidmətlərini dəstəkləyirəm”.
HƏMAS-ın hücumu nəticəsində Sderot qəsəbəsində 5 nəfər ölüb, 100-dən çox insan yaralanıb. HƏMAS təşkilatı Qəzza zolağındakı İsrailin cənubuna və mərkəzinə kütləvi raket zərbələri endirir. Təşkilatın üzvləri artıq sərhəddə yerləşən Sderot qəsəbəsinə və digər ərazilərə sızıblar. Ərazilərdə toqquşmalar yaşanır.
Naariv.co portalı məlumat yayıb ki, İsrail Şaar xa-Neqev regional şurasının başçısı Ofir Libşteyn terrorçularla atışmada öldürülüb.
Bildirilib ki, Ofir Libşteyn sakinləri terrorçuların hücumundan müdafiə edərkən öldürülüb. Şura başçısının müavini Yossi Keren onun səlahiyyətlərini icra edir. Regional şuranın rəhbərliyi fövqəladə şəraitdə fəaliyyətlərini davam etdirir.
