Ölkədə 50-də çox problemli Çin avtomobilləri reklam olunur. Bu avtomobillərin bloklanacağı ilə bağlı söhbətlər gəzir. Konkret olaraq hansı Çin avtomobilləri uğursuz hesab olunur?
Məsələ ilə bağlı Tribunainfo.az-a açıqlama verən nəqliyyat eksperti Rövşən Həsənov hansısa brend üzərində dayanmaq istəmədiyini bildirdi.
Ekspertin sözlərinə görə, Çin bazarı çox böyükdür.
“Hər model demək olar ki, ildə ən azı iki, üç dəfə öz xəttini yeniləyir, yeni modifikasiyalar tətbiq edir. Bu baxımdan hansısa brend üzərində dayanmaq istəməzdim.
Amma Çinin öz yerli, tamyüksəkli brend avtomobilləri var ki, onlar artıq öz sözünü deyib. Bu markaları istər istifadəçilər istərsə də digər brendlərlə müqaisədə özünü doğrultmuşdur. Bu baxımdan məsələn BID-ni deyə bilərəm. Bu kimi brendlər birmənalı olaraq sıxışdırılıb Azərbaycan bazarından çıxarılması keyfiyyət nöqteyi nəzərdən çox güman ki, baş verməyəcək.
Bu kimi bir çox qabaqcıl Çin avtomobilləri haqqında məlumat vermək olar. O ki, qaldı onların digər avtomobilləri konkret modellər üzərindən işimizi qurub ətraflı məlumat verə bilmərəm.
Ekspert Aslan Əsədovun sözlərinə görə, nəqliyyat vasitələrinin texniki parametrləri belədir ki, onda hər hansı bir nasazlıq yaranarsa o geri çağırıla bilir.
Bu geri çağırılma şirkətin menecmenti ilə baş verir. Yəni satış menecerləri bu işlə məşğul olur.
Konkret olaraq Azərbaycanda olan nəqliyyat vasitələri və onların yararlı və yararsız olması haqqında yalnız şirkətin rəsmi qərarından və istehlakçıların hüquqlarının bərpasının məhkəmə qərarından sonra ola bilər. Məsələn mən haradansa avtomobil alıb gətirirəm və sonra onu xoşlamıram, geri qaytarmaq istəyirəm. Bu kimi ifadələr keçərli deyil.
Digər bir tərəfdən isə bəzən bu satış reklamı da ola bilər ki, yalnız avtomobillər bazadan yox ikinci və üçüncü satış məntəqələrindən yox, dillerlərdən alsın. Yəni burada məsələni konkret olaraq araşdırmaq lazımdır. Məsələnin kökünü tapmaq lazımdır. Problemin həllini fikirləşmək lazımdır. Bu haqqda nə isə danışmaq olar. Əks təqdirdə belə məsələlər, problemlər qalmaqda davam edəcək. Özünəməxsus vətəndaşlar da yararlana bilməyəcək”.
