Məşhur gürcü maarifləndirici cizgi filmi “Zürafə Joze”nin ingilis dilindəki versiyası bu gün YouTube-da yayılıb.
Bakupost.az xəbər verir ki, bu barədə layihənin müəllifi Giorgi Marşaniya bildirib,
“Mən hələ bilmirəm “Zürafə Joze” bu qədər böyük auditoriya ilə nə edəcək. Amma fakt odur ki, gürcü uşaqlarının sevgisi bir ölkəyə sığmadı və “sarı xoşbəxtlik” okeanı keçdi”, – o deyib.
Giorgi Marşaniya ABŞ-dan ilyarım əvvəl serialın ingilisdilli versiyasını yaratmaq təklifi aldığını bildirib.
Gürcüstanda hər bir uşaq şən zürafəni və onun dostlarını tanıyır, ona çoxlu kitablar, bir sıra oyuncaqlar və aksessuarlar həsr olunub. Animasiya tamamilə gürcü məhsuludur, layihə 2017-ci ildə əsası qoyulmuş Studio Bicycle şirkətinə məxsusdur.
2023-cü ilin oktyabr ayına olan məlumata görə, layihənin YouTube kanalına 432.000.000-dan çox baxış var. “Zürafə Joze” yazmağı və saymağı öyrədir, maraqlı hekayələr danışır, bir çox böyüklərin artıq bildiyi mahnıları rəqs edir və oxuyur.
Gürcü studiyasının amerikalı partnyoru gürcü cizgi filmi haqqında uşağından öyrəndiyini və daha sonra personajın əsiri olduğunu bildirib.
