Azərbaycan Dövlət Gənc Tamaşaçılar Teatrının sevimli aktyoru Vüqar Məmmədəliyev bu günlərdə yubiley yaşını qeyd edir.
Tribunainfo.az xəbər verir ki,teatrın rəhbəri Naidə xanım İsmayılzadə yaradıcılığının 30 illiyini, həyatının isə 50-ci yubileyini qeyd edən aktyorla görüşərək onu təbrik edib, teatrın fəxri diplomunu təqdim edib.
Qeyd edək ki, həm teatr, həm də kino sahəsində bir-birindən maraqlı, yaddaqalan rollar ifa edən Vüqar Məmmədəliyevin 50 illik yubileyi münasibəti ilə Teatr Xadimlər İttifaqında yazıçı, dramaturq Əli Əmirlinin “Kişi və qadın” adlı əsəri əsasında eyniadlı tamaşa hazırlanıb. Tamaşanın quruluşçu rejissoru Məhəmməd Verdizadə, bəstəkarı Gülnar Əlfiqızı, səhnə tərtibatçısı Zaur Abbasovdur.
Səhnə əsərində aktyorlar Vüqar Məmmədəliyev, Elçin Murad, Rəbillə Ələkbərzadə iştirak edirlər.
Tamaşanın premyerası aktyorun ad günündə 24 fevral, saat 19:00-da Teatr Xadimlər İttifaqında baş tutacaq!
