Gənc jurnalist Şəfiqə Nazimqızı ağır xəstəlikdən əziyyət çəkir.
Bu barədə o, sosial şəbəkə hesabında paylaşım edib.
Təcili köməyə ehtiyacı olduğunu bildirən jurnalist 14 gün vaxtı qaldığını bildirib:
“Dostlar, təcili köməyiniz lazımdır, 14 gün vaxtım var!
Həyatımın ən gözəl çağında, 5 illik həsrətdən sonra dünyaya gələcək övladımı qucağıma alacağım günlərin tam sonunda kəskin leykoz xəstəsi olduğum aşkarlanıb. Yüksək həyati risklə övladım doğulub, onu xəstəxanada ailə üzvlərimizə tapşırıb yoldaşımla Türkiyəyə müalicəyə getmişəm. Avqustun 1-dən sentyabrın 13-dək yoldaşımla mənim iş yerimiz, Global Media Qrupun maddi dəstəyi ilə Anadolu xəstəxanasında müalicə, ximyaterapiyalar almışam. Tam sağalmağım üçün ilik nəqli lazımdı. Xoşbəxtlikdən qardaşım donor kimi uyğun gəlib və oktyabrın 4-10 arasında transplantasiya həyata keçirilməlidir. Onun üçün maddi imkanımız yoxdur və təxminən 50 min dollardan çox pul lazımdır.
https://www.facebook.com/shefiqe.melikova
Allahdan ümid kəsilməz deyiblər, bu pulun yığılmasında yardımsevər insanların köməyinə ehtiyacımız var. Məbləğ böyük görünür, lakin dama-dama göl olar deyiblər. Qızımı özüm böyütmək istəyirəm, inşallah bir gün sağalmağımla bağlı status paylaşacağıma inanıram. Allah yardım edən hər kəsin ürəyinə görə versin.
Dostlardan yardımla yanaşı bu postu paylaşmağı xahiş edirəm”.
Sizin az da olsa köməyiniz bir anaya, gənc bir qadına və həmkarımızı yaşada bilər.
Kart hesabı: 4127 2141 2198 9898
