Gədəbəydə iki avtomobil toqquşub, ölən və xəsarət alanlar var.
APA-nın verdiyi məlumata görə, rayonun Gərgər kəndində iki “VAZ 2107” markalı avtomobilin toqquşması nəticəsində 6 nəfər bədən xəsarətləri alaraq rayon mərkəzi xəstəxanasına yerləşdirilib. Onlardan sürücülər, 1973-cü il təvəllüdlü Nail Qarayev və 1974-cü il təvəllüdlü Aydın İsmayılov xəstəxanada ölüblər.
Xəsarət alanlar 1965-ci il təvəllüdlü İman Alsəfərov, 1982-ci il təvəllüdlü Mətanət Əsgərova, 1988-ci il təvəllüdlü Arzu Rüstəmova və 2003-cü il təvəllüdlü Emin Nağızadədir.
Xəsarət alanlardan iki nəfər Gəncədə olan xəstəxanalardan birinə aparılıb.
Faktla bağlı araşdırma aparılır.
Yaralılardan iki nəfəri Gəncədə olan xəstəxanalardan birinə aparılıb.
Faktla bağlı araşdırma aparılır.
