Fransanın yeni təyin olunmuş xarici işlər naziri Stefan Sejourne diplomatik korpusa mesaj çatdırıb və o, həmçinin bildirib ki, “Fransa Ermənistana davamlı dəstəyi təmin edəcək”. Tribunainfo.az News.am-a istinadən xəbər verir ki, bu barədə Fransanın Ermənistandakı səfiri Olivye Dekotini mikrobloqunda yazıb.
“Qanuna və ərazi bütövlüyünə hörmət əsasında ədalətli və davamlı sülh axtarmaq, eləcə də əhalinin xatirəsinə, tarixinə və mədəniyyətinə hörmət edərək ləyaqətlə yaşamaq hüququnu təmin etmək lazımdır”, – Fransanın xarici işlər naziri bildirib.
