“Brilliant xanım bir musiqiçi kimi fikrini bildirib. Kim bu ixtiyarı onun əlindən alır. İnanıram ki, o, bu addımı həssaslığına söykənərək edib. Axı niyə insanları həqiqəti deməyə qorxudurlar?”
“Brilliant xanım bir musiqiçi kimi fikrini bildirib. Kim bu ixtiyarı onun əlindən alır. İnanıram ki, o, bu addımı həssaslığına söykənərək edib. Axı niyə insanları həqiqəti deməyə qorxudurlar?”
Bu sözləri Publika.az-a danışan Xalq artisti Flora Kərimova dünən erməni qarmonçu Varujan Şahbazyanın ifasını bəyəndiyi üçün kəskin şəkildə tənqid edilən həmkarı Brilliant Dadaşova barəsində deyib.
Xalq artisti Brilliant Dadaşovanın vətənini çox sevdiyini və Azərbaycan üçün musiqi sahəsində böyük işlərə imza atdığını xüsusi olaraq vurğulayıb: “B.Dadaşova dünənin müğənnisi deyil. O, Azərbaycan musiqi sahəsində böyük işlər görüb. Onun vətən haqqında çoxlu sayda bir-birindən gözəl ifaları var. Brilliant oğlunu gizlətməyib, lazım olanda onu cəbhəyə də göndərməyə hazırdır. Brilliantı tənqid etməklə onun sənətə olan eşqini küsdürürük, qəlbini sındırırıq, həqiqətdən yayındırırıq. Əgər həmin erməni qarmonçu və ya hər hansı musiqiçi mənim millətimin əleyhinə bir söz desəydi, onda bu cür reaksiyanı anlamaq olardı”.
F.Kərimova hesab edir ki, düşmənin cavabı cəbhə bölgəsində verilməlidir: “Balam Zəhra ilə onun ağbirçək nənəsi ermənilər tərəfindən günahsız yerə öldürüldü. Ordumuz da cavab verdi. Biz ermələrin döyüş və siyasət meydanında cavablarını verib susdurmalıyıq. Dil pəhləvanlarına çevrilən yalançı qəhrəmanlardan yorulmuşam”.
F.Kərimovanın sözlərinə görə, hər bir sənətçinin bəyəndiyi musiqi haqqında rəy bildirməyə haqqı var: “Düşmənlərimizi, Sarkisyanı, Azərbaycan balalarını öldürənləri, haqqımızı tapdalayanları əlbəttə ki, hamımız pisləməliyik. Ancaq mənə maraqlıdır ki, mühairbə olarsa, sosial şəbəkələrdə dil pəhləvanlarına çevrilənlər Azərbaycan uğrunda döyüşə gedəcəkmi? Axı niyə insanlara qorxu hissini aşılayırlar? Bu gün həqiqəti deməyə qorxan adam sabah erməninin qarşısına necə çıxa bilər? Sabah mən də kiminsə haqqında həqiqəti deməyə qorxmalıyam? Məsələn, Azərbaycanı sevən, “Bakı mənim vətənimdir”, deyən, bizi hər yerdə tərifləyən erməni ifaçısı Boka həyatını təhlükəyə ataraq bizim restoranda oxumuşdu. Onu da buna görə ölkəsində çox qınamışdılar. Bokanın öz həmvətənlərilə Azərbaycana görə dava etməsinin şahidi olmuşam. Biz insanlığımızı itirməməliyik”.
Qeyd edək ki, Xalq artistləri Zülfiyyə Xanbabayeva və bəstəkar Eldar Mansurov müğənni ilə yaxın dost olduqları, lakin məsələdən xəbəri olmadıqları üçün açıqlama verməkdən imtina etdi.
