“Zəngəzur dəhlizi Naxçıvanı Azərbaycan və Türkiyə ilə, habelə Xəzər dənizinə bağladığı üçün türk dünyasına mühüm əhəmiyyət kəsb edir”.
Tribunainfo.az xəbər verir ki, bu sözləri iranlı ekspert İbrahim Fərəhani deyib.
O iddia edib ki, Qafqaz Əfqanıstandan sonra yeni münaqişə yeri ola bilər.
Amma Fərəhian etiraf edib ki, İran son 20 ildə geosiyasi imkanlarını itirib. “Ən əsası odur ki, İranın geosiyasi imkanları 20 ilə yaxındır ki, tükənib. Və bunlardan biri də bizim üçün fəsadlar yarada biləcək bu məsələlərdir ki, bunun bariz nümunəsi İranın geosiyasi mühasirəyə alınmasıdır”.
İranlı ekspert həmçinin Rusiyanın Qafqazda gücünü itirdiyini də qeyd edib. “Müəyyən mənada ruslar da Qafqazda maddi-texniki gücünü itirib”.
O sonda vurğulayıb ki, İran Zəngəzur dəhlizi məsələsindən kənarda qalmamalıdır. “Əgər dəhliz məsələ ilə bağlı konsorsium yaradılacaqsa, Tehran hazırkı vəziyyətdə fəal iştirak edə bilməlidir. Çünki İran həm Ermənistan, həm də Azərbaycanla həmsərhəddir və öz maraqları üçün müsbət addımlar atmağı bacarmalıdır”.
Fərda Uğur
