İllər əvvəl ABŞ-a köçən Azad Azərbaycan (ATV) kanalının keçmiş teleradioaparıcısı Günel Hümbətova dünya şöhrətli cütlük Cennifer Lopez və Ben Afflekin boşanması xəbərinə münasibət bildirib.
Günel məşhur “ər-arvadın” fotosunu instaqramda paylaşaraq Las Veqasda evlənən cütlüklərin taleyində ayrılıq işarəsinin olduğunu yazıb.
“Las Veqasda evlənmək camaata düşmür. Nəzərə alın. Şəxsi təcrübəmdən deyirəm”, – deyə G.Hümbətova bildirib.
Qeyd edək ki, Hümbətova keçmiş əri Firuz Soliyevlə ötən il boşanıb. Cütlük 2015-ci ildə Las Veqasda ailə qurub. Onların Jozefina adlı bir qızı var.
