“Eurovision 2024” mahnı müsabiqəsində ölkəmizi təmsil edəcək Fahree və İlkin Dövlətovun səsləndirdiyi “Özünlə apar” mahnısına çəkilən klip təqdim olunub.
Tribunainfo.az xəbər verir ki, klip yarışmanın rəsmi yutub səhifəsində yerləşdirilib.
Klip Azərbaycanın tarixi və mədəni irsi olan Qobustanda çəkilib.
Xatırladaq ki, İsveçin Malmö şəhərində keçiriləcək “Eurovision 2024” mahnı müsabiqəsinin yarımfinal mərhələləri bu il mayın 7-si və 9-u, final mərhələsi isə mayın 11-də baş tutacaq. Püşkatma nəticəsində Azərbaycan bu il 1-ci yarımfinalda çıxış edəcək.
