Eşşək südü haqqında çoxlu fikirlər var. Bəs, həqiqətən də dərinizə və bədəninizə hər hansı bir faydası varmı?
Tribunainfo.az HaberTürk-ə istinadən xəbər verir ki, tərkibində minerallar, kalsium və omeqa 3 olan qida maddələrindən ən çox danışılan və müzakirə edilən eşşək südünün faydaları saysız-hesabsızdır. Mütəxəssislərin apardığı araşdırmalara görə, eşşək südü ana südünə ən yaxın süd kimi tanınır. ABŞ, Fransa və Çin kimi bir çox ölkədə onun istehlakı olduqca yaygındır. Ən çox istehlak edən ölkələrdən biri də İtaliyadır.
Eşşək südü qədim zamanlardan sağlamlıq əlavəsi və gözəllik məhsulu kimi tanınır. Hətta məlumdur ki, Kleopatra dəriyə qulluq üçün eşşək südü ilə çimirdi. İndiki vaxtda eşşək südü bəzi yoqurtların və ya pendirlərin məşhur tərkib hissəsidir.
Tədqiqatlar laboratoriya tədqiqatlarında göstərdi ki, immunitet sistemini gücləndirə, qan dövranını yaxşılaşdıra və iltihabı azalda bilər. Hətta 2-ci tip şəkərli diabetin simptomlarını azaltdığını göstərən nəticələr var.
Göyöskürək xəstəliyində çox faydalıdır.
Eşşək südünün başqa bir faydası da ana südü ilə oxşarlığıdır. Çünki qədim zamanlarda körpələri qidalandırmaq üçün istifadə olunurdu. Eşşək südü də inək südündən daha az allergendir. Allergiya və ya laktoza dözümsüzlüyü səbəbiylə inək südünə dözə bilməyən insanlar adətən heç bir problem olmadan eşşək südünü içə bilərlər.
Alimlər hesab edirlər ki, eşşək südünün tərkibindəki zülal ona mikrob əleyhinə təsir göstərir. Bəzi tədqiqatlar hətta bunun həm virusların, həm də bakteriyaların səbəb olduğu mədə xəstəliklərini azaltmağa kömək edə biləcəyini göstərdi. Eşşək südü də bağırsaqlarınızda yaxşı bakteriyaların böyüməsinə kömək edə bilər.
