“Tramp marşrutunun faktiki fəaliyyətində təmassız keçidə əməl etmək asan olmayacaq. Məsələn, Ermənistan hissəsində qəza baş verərsə, azərbaycanlı sürücüyə yardım çox güman ki, erməni həkimlər tərəfindən göstəriləcək və hadisənin araşdırılması üçün Ermənistan polisinin və hətta hakimlərin iştirakı tələb olunacaq”.
Tribunainfo.az xəbər verir ki, bunu Karnegi Mərkəzinin Cənubi Qafqazdakı münaqişələr üzrə analitiki Olesya Vartanyan deyib.
Onun sözlərinə görə, əgər Ermənistan-Türkiyə münasibətləri pozulmasa, “tranzitlə barışıq” ideyası yarımçıq qalacaq. “Azərbaycan Naxçıvana və oradan Türkiyəyə ən qısa marşrutu əldə edəcək, Ermənistan isə heç bir dividendsiz qalmaq riski ilə üzləşir – sərhədləri bağlı, bir yolu Amerika vasitəçilərinin nəzarətində və minimal tranzit gəliri ilə”.
Vartanyan onu da deyib ki, istənilən halda Vaşinqtonda sazişlərin imzalanması ən azı yaxın aylarda, bəlkə də illərdə Cənubi Qafqazda yeni müharibənin olmayacağına əminlik yaradıb.
Fərda Uğur
