Ermənistanda hərbi hissədə mərmi partlayıb.
Demokrat.az xəbər verir ki, bu barədə informasiyanı Ermənistan Müdafiə Nazirliyi yayıb.
Hadisə ötən gün təlim zamanı baş verib. Armlur.am saytının verdiyi məlumata əsasən, ümumilikdə 8 nəfər xəsarət alıb. Onların arasında təlim iştirakçıları ilə yanaşı, təlimi keçirən polkovnik-leytenant da var.
Partlayışın səbəbləri barədə hələlik rəsmi açıqlama verilməyib. Hazırda hadisə ilə bağlı araşdırma aparılır.
Yaralıların hərbi hospitalın nəzarəti altında olduğu deyilir.
