“Azərbaycanın açıqlamalarına diqqətlə yanaşmaq lazımdır”. Tribunainfo.az bildirir ki, bu fikirlər hərbi ekspert Vitali Manqasaryana məxsusdur.
O deyib ki, bu gün Ermənistanın əsas işi bütün kəndlərdə və şəhərlərdə sığınacaqlar inşa etmək və mövcud olanları hazır vəziyyətə gətirmək olmalıdır. “Müasir müharibə təkcə cəbhə xətti ilə yekunlaşmır. Həm də tərəflər ölkənin içərisindəki hədəfləri də vururlar. Azərbaycan Müdafiə Nazirliyinin bəyanatında açıq şəkildə deyilir ki, onlar harada olmasından asılı olmayaraq, bütün hərbi hədəfləri vuracaqlar. Ona görə də, sığınacaqları təcili sahmana salmalıyıq”.
Manqasaryan yekunda onu da bildirib ki, Bakının bəyanatlarını ciddiyə almaq lazımdır. “Bu bəyantalara ciddi baxmalıyıq. Velosiped sürməməliyik”.
