“Qarabağdan göçmüş ermənilərin geri qaytarılması imkanlarına realist yanaşmaq və İrəvanla Bakı arasında sülh şəraiti yaradılan zaman məsələni həll etmək lazımdır”. Tribunainfo.az xəbər verir ki, bu sözləri Ermənistan prezidenti Vaaqn Xaçaturyan deyib.
Onun sözlərinə görə, Qarabağ ermənilərinin geri qayıtma ehtimalı daha uzunmüddətli problemdir. “Hesab edirəm ki, biz Azərbaycanla həqiqətən sülh şəraitində münasibətlər qurarkən bu məsələnin həlli ilə məşğul olmalıyıq. Biz realist olmalıyıq və bu, hazırda içində olduğumuz vəziyyəti həqiqətən qiymətləndirmək deməkdir”.
Xaçaturyan sual edib ki,“Bu gün həmin qayıdış realdır, ya yox?” Cavab olaraq isə bildirib ki, “Axı, bir çox fərqli amillər də var. Təhlükəsizlik məsələsi və ya Qarabağ erməniləri qarşısında müəyyən şərtlər qoyulacaq”.
