Ermənistanda Zəngəzur dəhlizi ilə bağlı müzakirələr səngimək bilmir. Tribunainfo.az xəbər verir ki, hazırda Ermənistan parlamentinin deputatları bununla bağlı maraqlı açıqlamalar veriblər.
Müxalif deputat Qeqam Manukyan bildirib ki, İrəvan Bakıya öz şərtlərini təqdim edib: “İstisna edilmir ki, Ermənistan hökuməti Azərbaycana öz ərazisindən yoxlamasız yük daşımaq hüququnu təklif edib” .
Lakin hakim “Mülki Müqavilə” Partiyasından olan deputat Arman Yeqoyan məsələni bir qədər də dəqiqləşdirib. “Azərbaycan və ya digər ölkələrdən Ermənistan ərazisindən daşınan istənilən yük nəzarətə götürülməlidir. Yoxlama olmayacaq, amma nəzarət olmalıdır”.
