Erməni deputat CƏBHƏDƏN danışdı: Müdafiə Nazirliyindən xəbərlər gözləyin!

“Ermənistanın Müdafiə Nazirliyi insanları məlumatlandırmaq üçün lazım olan qədər məlumat verir və o qədər də bizim təhlükəsizlik məsələlərimizi pozmasın, təhlükəsizlik məsələlərimizdə problem yaratmasın”. Tribunainfo.az xəbər verir ki, bunu fevralın 13-də parlamentdə jurnalistlərlə söhbətində hakim “Mülki müqavilə” partiyasından olan deputat Armen Xaçatryan deyib və onları Ermənistan Müdafiə Nazirliyinin mətbuat xidmətinin xəbərlərini izləməyə çağırıb.
“Mən bütün icma rəhbərlərini və inzibati rəsmiləri lazımsız məlumat verməməyə, qeyri-müəyyən xəbərlər verməməyə və Müdafiə Nazirliyinin rəsmi məlumatlarını rəhbər tutmağa çağırıram”, – Xaçatryan bildirib. Deputat qeyd edib ki, belə hadisələr olub və olacaq, sadəcə olaraq, onları minimuma endirmək lazımdır. “Bunun üçün həm siyasi, həm diplomatik, həm də hərbi sahədə bir sıra tədbirlər həyata keçirmək lazımdır. Problem ondadır ki, belə hallar böyümür və çox tez başa çatır”.
Deputat qeyd edib ki, bu, təxribatdır, Müdafiə Nazirliyi daxili araşdırma aparacaq ki, bu hərəkətlərə nə səbəb olub? “Buna sonra aydınlıq gələcək. Azərbaycanlılar xəbər yayıblar, məncə, bununla bağlı rəsmi araşdırma aparılacaq və çoxşaxəli təhlil nəticəsində obyektiv mənzərə ortaya çıxacaq”, – Xaçatryan bildirib.