“ABŞ-ın iştirakı ilə, Prezident İlham Əliyevin də qeyd etdiyi kimi, dünyanın bir nömrəli ofisində imzalanan bir şey qeyri-ciddi ola bilməz”.
Tribunainfo.az xəbər verir ki, bunu erməni analitik Elen Hoxikyan deyib.
O qeyd edib ki, heç bir ölkə ABŞ-la problem yaşamaq istəməz. “Düşünmürəm ki, hazırda dünyada elə bir ölkə var ki, ABŞ-la münasibətləri pisləşdirmək istəsin. Yəni gedib müqavilələr bağlasın, sonra isə həmin müqavilələrdən imtina etsin”.
Hoxikyan Azərbaycanla Ermənistan arasında münaqişə barədə də danışıb. O deyib ki, dünyada həll olunmayan problem yoxdur. “Dünyada çoxlu ölkələr var ki, aralarında müharibələr olub. Eyni Avropa ölkələri 150-200 il əvvəl güc tarazlığının pozulmasının qarşısını almaq üçün vaxtaşırı bir-birləri ilə döyüşürdülər. Azərbaycan və Türkiyə ilə də aramızda uzun illərdir problem var. Lakin bu qorxulu deyil. Təbliğatla, real addımlarla bunu dostluğa çevirə bilərik”.
Erməni analitik “Türkiyə Ermənistanı işğal edəcək” fikrində olanları ağılsız adlandırıb. “Deyirlər ki, Türkiyə Ermənistanı işğal edəcək. Absurd fikirdir. Ankaranın belə fikri olsaydı, çoxdan Ermənistanı işğal edərdi. Heç kimdə onun qarşısını ala bilməzdi. Əgər Türkiyə bizi işğal etmək istəyirsə, bəs, sərhədləri niyə açmaq istəyir?”
Fərda Uğur
