“Erməni lobbisinin məqsədi Ermənistan-Türkiyə münasibətlərinin nizamlanmasının qarşısını almaqdır”.
Tribunainfo.az Hraparak nəşrinə istinadən xəbər verir ki, bu barədə hakim “Ədalət və İnkişaf” partiyasının nümayəndəsi Ömər Çelik özünün “Twitter” səhifəsində yazıb.
Onun sözlərinə görə, Disney platforması erməni lobbisinin təzyiqinə boyun əyərək Atatürklə bağlı serialın nümayişini ləğv edib.
“Bu platformada belə davranış hörmətsizlikdir.
Türkiyə Cümhuriyyətinin və xalqımızın dəyərlərinə qarşı hörmətsizlikdir. Dəfələrlə qeyd etdiyimiz kimi, ABŞ-da qondarma “soyqırım” iddialarını təbliğ edən bu şəbəkə tarixi hadisələrdən öz saxtakarlıq siyasəti üçün alət kimi istifadə edir. Bu lobbinin yeganə məqsədi dəfələrlə müşahidə olunduğu kimi, Ermənistan-Türkiyə münasibətlərinin nizamlanmasının qarşısını almaqdır”, – deyə o yazıb.
Xatırladaq ki, daha əvvəl Disney Plus müasir Türkiyənin qurucu atası Mustafa Kamalın həyatından bəhs edən Atatürk serialından imtina etmək qərarına gəlib. “Türkiyənin 100 illiyi”ndən bəhs edən serial noyabrın 3-dən bədii filmə çevriləcək və eksklüziv olaraq Türkiyə kinoteatrlarında nümayiş olunacaq. Film Disneyə 8 milyon dollara başa gəlib.
Xüsusilə, Amerika Erməni Milli Komitəsi müasir Türkiyənin qurucu atasının həyatından bəhs edən serialın nümayişinə qarşı olduğunu bildirərək, Disneydən filmin yayımını ləğv etməyi tələb edib.
