20 yaşlı idmançı Jazmin Garza idman zalında çəki qaldıran zaman “Ghost” enerji içkisini içdikdən sonra infarkt keçirib.
Bakıvaxtı.az xarici mediaya istinadla xəbər verir ki, normalda kofeinli içkilər qəbul etməyən Qarza bu içkini ilk dəfə dadıb. Qarzanın ürəyi və nəfəsi dayanıb, oksigen beyninə və orqanlarına çatmayıb.
Ürəyi dayanan və nəfəsi kəsilən Jazminə sevgilisi dərhal ürək masajı edib. Gələn tibb işçiləri ürəyi yenidən işə salmaq üçün şok terapiyası tətbiq ediblər.
Jazmin normalda kofeinli içkilər qəbul etmədiyini və bu içkini ilk dəfə sınadığını bildirib. Həkimlər çoxsaylı analizlər aparsalar da, infarktın səbəbini tapa bilməyiblər. Jazmin naməlum ürək xəstəliyi ilə enerji içkilərinin birləşməsinin bu vəziyyətə səbəb ola biləcəyini düşünür.
“Ghost” enerji içkisi iki fincan qəhvədən iki dəfə çox kofein (200mq) ehtiva edir. İçkinin bu hadisəyə səbəb olub-olmadığı bilinmir, lakin ekspertlər enerji içkilərinin ürək ritminin pozulması, depressiya, kolon xərçəngi və yuxusuzluq kimi riskləri olduğunu söyləyirlər.
