Əmək və Əhalinin Sosial Müdafiəsi Nazirliyinin “Təsərrüfat mallarının satınalınması” tenderi ləğv olunub.
Tribunainfo.az FED.az-a istinadla xəbər verir ki, buna səbəb tender prosedurlarının keçirilməsi zamanı iddiaçılar arasında qiymətin qaldırılmasına yönələn sövdələşmədir (DSQ 11,2-ci maddə, 2-ci hal).
Ləğv etmə mətnində bildirilir ki, AİİBNDX-nin 2023-cü il 10 iyul tarixli məktubuna əsasən Dövlət Satınalmaları haqqında Qanunun 11.2 ci maddəsinin 2-ci halına uyğun olaraq tender ləğv edilir.
Bu da Dövlət Satınalmaları haqqında qanunun 11.2-ci maddəsi ilə tənzimlənir. Həmin maddəyə satınalan təşkilat dövlət mənafelərinin qorunması məqsədi ilə aşağıdakı hallarda bütün tender təkliflərinin, oferta və kotirovkaların aksept olunana qədər rədd edilməsi barədə qərar qəbul edə bilər:
tender prosedurlarının keçirilməsi zamanı iddiaçılar arasında qiymətin qaldırılmasına yönələn sövdələşmə müəyyən etdikdə;
tender təklifləri tenderin əsas şərtlər toplusuna uyğun olmadıqda;
tender predmetinin maliyyələşdirilməsi dayandırıldıqda.
