Husilər tərəf dəyişdirərək Səudiyyə Ərəbistanı ilə anlaşmağa çalışan devrilmiş lider Əli Abdullah Salehin paytaxt Səna şəhərində yerləşən evini partladıb.
Husilər tərəf dəyişdirərək Səudiyyə Ərəbistanı ilə anlaşmağa çalışan devrilmiş lider Əli Abdullah Salehin paytaxt Səna şəhərində yerləşən evini partladıb.
Axar.az xəbər verir ki, bu barədə “Röyter” informasiya yayıb. İranın “Tasnim” agentliyi isə eks-prezidentin Marib şəhərinə qaçmağa çalışarkən husilər tərəfindən öldürüldüyünü bildirib.
***
“Skay Nyus Arabia” televiziyası Salehin partiyasındakı mənbəsinə istinadən eks-prezidentin öldürülməsi faktını təkzib edib. Televiziya bu şayiənin məhz husilər tərəfindən Sənadakı nəzarəti əllərinə keçirmək üçün yayıldığını bildirib.
Bu məlumatdan az sonra isə İran dövlət televiziyası Əli Abdullah Salehin meyitinin görüntülərini yayıb.
Qeyd edək ki, Əli Abdullah Saleh tərəfdarları 2014-cü ildə Yəməndə vətəndaş müharibəsi başlayandan bu günə qədər husilərin tərəfində vuruşub. Son dövrlərə qədər Saleh husilərlə sıx əlaqədə olub. Lakin bir müddət öncə onlar arasında kiçik toqquşmalar başlamışdı.
Saleh artıq paytaxt Sənadakı bir sıra mühüm strateji obyektləri nəzarəti altına salmağı bacarmış, həmçinin Yəmən xalqını husilərə qarşı savaşa çağırmışdı.
