Azərbaycan Meliorasiya və Su Təsərrüfatı Açıq Səhmdar Cəmiyyətinin keçmiş sədri, hazırda Baş nazirin köməkçisi olan Əhməd Əhmədzadə bu gün “Şərəf” ordeni ilə təltif edilib. Bununla bağlı Prezident İlham Əliyev Sərəncam imzalayıb. Lent.az “Bioqrafiya” rubrikasında Əhməd Əhmədzadə barədə məlumat verir.
– Əhməd Əhmədzadə nə vaxt doğulub?
Əhməd Əhmədzadə 1945-ci ildə anadan olub.
– Əhməd Əhmədzadə haralıdır?
Əhməd Əhmədzadə Qax rayonunun Qaxmuğal kəndindəndir.
– Əhməd Əhmədzadə harada təhsil alıb?
Əhməd Əhmədzadə 1961-ci ildə 1 saylı orta məktəbi və 1966-cı ildə Azərbaycan Politexnik İnstitutunu bitirərək mühəndis-hidrotexnik ixtisasına yiyələnib. 1976–1978-ci illərdə keçmiş Sov. İKP yanında İctimai Elmlər Akademiyasında ali partiya-siyasi təhsili alıb.
– Əhməd Əhmədzadənin ilk işi hara olub?
Əhməd Əhmədzadə əmək fəaliyyətinə 1961-ci ildə 11 saylı Bakı şəhər Tikinti İdarəsində fəhlə kimi başlayıb, 1966-cı ildə Azərbaycan Elmi-Tədqiqat Hidrotexnika və Meliorasiya İnstitutunda böyük mühəndis, 1967–1975-ci illərdə Qax Suvarma Sistemləri İdarəsində böyük mühəndis, idarənin rəisi vəzifələrində işləyib.
– Əhməd Əhmədzadə nə vaxt sədr olub?
Əhməd Əhmədzadə 1993–2004-cü illərdə Azərbaycan Respublikası Nazirlər Kabineti yanında Meliorasiya və Su Təsərrüfatı Komitəsinin sədri olub.
– Əhməd Əhmədzadə hansı ildə nazir müavini olub?
Əhməd Əhmədzadə 2004–2006-cı illərdə Kənd Təsərrüfatı Nazirinin birinci müavini olub.
– Əhməd Əhmədzadənin nazirlikdən sonrakı təyinatı hara oldu?
Əhməd Əhmədzadə Kənd Təsərrüfatı Nazirliyi yanında Dövlət Meliorasiya və Su Təsərrüfatı Agentliyinin baş direktoru, 2006–2021-ci illərdə Azərbaycan Meliorasiya və Su Təsərrüfatı Açıq Səhmdar Cəmiyyətinin sədri vəzifələrində çalışıb.
– Əhməd Əhmədzadənin eyni zamanda hansı vəzifələri olub?
Əhməd Əhmədzadə Respublika Dövlət Aqrar İslahatı Komissiyasının üzvü, Fövqəladə Hallar üzrə Dövlət Komissiyasının sədr müavini olub.
– Əhməd Əhmədzadə nə vaxt Hökumət evinə getdi?
Əhməd Əhmədzadə 2021-ci ilin aprel ayında Baş nazir Əli Əsədovun müşaviri təyin olunub. 2024-cü ilin oktyabr ayında baş nazirin köməkçisi vəzifəsinə keçirilib.
– Əhməd Əhmədzadənin siyasi fəaliyyəti olub?
Əhməd Əhmədzadə 1975–1976-cı illərdə Qax Rayon Xalq Deputatları Soveti İcraiyyə Komitəsinin sədri, 1978–1980-ci illərdə Abşeron Rayon Xalq Deputatları Soveti İcraiyyə Komitəsinin sədri, 1980–1988-ci illərdə Azərbaycan Kommunist Partiyası Füzuli Rayon Komitəsinin birinci katibi, 1988–1991-ci illərdə Azərbaycan Kommunist Partiyası Şamxor Rayon Komitəsinin birinci katibi, 1991-ci ildə Azərbaycan Kommunist Partiyası Şəki Şəhər Komitəsinin birinci katibi, Şəki Rayon Xalq Deputatları Sovetinin sədri, 1991–1992-ci illərdə Quba Rayon İcra Hakimiyyətinin başçısı vəzifələrində işləyib. 1981–1995-ci illərdə Azərbaycan Respublikası Ali Sovetinin deputatı seçilib.
– Əhməd Əhmədzadənin hansı təltifləri alıb?
Əhməd Əhmədzadə Azərbaycan Respublikasının orden və medalları, Azərbaycan Respublikası Ali Soveti Rəyasət Heyətinin Fəxri Fərmanı ilə təltif olunub.
Respublikanın meliorasiya və su təsərrüfatının inkişafı sahəsindəki xidmətlərinə görə 2015-ci ildə Azərbaycan Respublikası Prezidentinin Sərəncamı ilə “Şöhrət” ordeni, “Əməkdar mühəndis” fəxri adına, 2019-cu ildə Azərbaycan Xalq Cümhuriyyətinin 100 illiyi münasibətilə “Cümhuriyyət medalı”na və 2020-ci ildə meliorasiya və su təsərrüfatı sahəsində uzunmüddətli səmərəli fəaliyyətinə görə 1-ci dərəcəli “Əmək” ordeninə layiq görülüb.
2025-ci il yanvarın 7-də Azərbaycan Respublikasında dövlət qulluğunda uzunmüddətli səmərəli fəaliyyətinə görə “Şərəf” ordeni ilə təltif edilib.
– Əhməd Əhmədzadənin neçə övladı var?
Əhməd Əhmədzadə ailəlidir və üç övladı var.
– Əhməd Əhmədzadənin tanınan qardaşı kimdir?
Əhməd Əhmədzadənin özündən 2 yaş kiçik qardaşı Mübariz Əhmədzadə hazırda Zaqatala rayonu İcra Hakimiyyətinin Başçısıdır.
– Əhməd Əhmədzadə məşhur qohumu kimdir?
Əhməd Əhmədzadə Azərbaycan Respublikası Mərkəzi Bankının sabiq sədri Elman Rüstəmov ilə qudadır.
