Dünyanın ən iri mirvarilərindən olan “Yatmış şir” mirvarisi hərracda 374 min dollara satılıb.
TİA.AZ-ın məlumatına görə, çəkisi 120 qram, uzunluğu 7 santimetr olan mirvari 18-ci əsrin əvvəllərində Çində tapılıb.
Formasına görə yatmış şiri xatırladan mirvari indiyədək şirin su hövzəsində tapılmış ən böyük mirvari hesab olunur.
Qeyd olunur ki, bu mirvari 1778-ci ildə Rusiya imperatriçası II Yekaterinaya hədiyyə olunmuşdu.
