Milli Məclisin bu gün keçirilən plenar iclasında “Dövlət rüsumu haqqında” qanuna dəyişikliklər edilib.
Milli Məclisin bu gün keçirilən plenar iclasında “Dövlət rüsumu haqqında” qanuna dəyişikliklər edilib.
TİA.AZ xəbər verir ki, layihəyə əsasən, Azərbaycanda bəzi dövlət rüsumlarının məbləğinin artırılması təklif edilir.
Belə ki, əvvəllər dövlət rüsumu 22 min manatdan çox deyildisə, indi artıq 1 milyon. manat məbləğdə rüsuma rast gəlmək olar. Mobil rabitə xidmətləri (texnioloji standartın adı göstərilməklə) üçün 1 mln. manat dövlət rüsumu nəzərdə tutulub. Teleradio yayımı üçün ümumrespublika televiziya yayımı üçün 50 min manat, Bakı şəhəri üzrə TV yayımı üçün 22 500 manat, regional TV üçün 1 500 manat, ümumrespublika radio yayımı üçün 2 500 manat, Bakı şəhəri üzrə 1 250 manat, regional radio yayımı üzrə 500 manat nəzərdə tutulub. Rüsumlar lisenziya Bakıda oduqda 100% həcmində, regionlarda olduqda 50% ödənilir. Bundan başqa, rüsumların ödənilməsi qaydasında dəyişiklik edilib. Dəyişiklik səsverməyə çıxarılaraq qəbul olunub.
Hazırda dövlət rüsumunun hesablanması və ödənilməsi qaydalarına əsasən qanunda nəzərdə tutulan xidmətlərə və hüquqi hərəkətlərə görə ödənilən dövlət rüsumunun (“Avtomobil yolları” Məqsədli Büdcə Fondunun mədaxil mənbələrinə aid edilənlərdən başqa) 25%-i (bu qanunun 4.1-1-ci maddəsində nəzərdə tutulmuş hal istisna olmaqla) həmin xidmətləri və hüquqi hərəkətləri həyata keçirən dövlət orqanlarının, habelə dövlət notariat kontorlarının işçilərinin maddi təminatını yaxşılaşdırmaq məqsədilə onların xəzinə hesabına köçürülür, qalan hissəsi isə tam məbləğdə dövlət büdcəsinə ödənilir.
Dəyişiklikdə qanunun 4.1-ci maddəsində “istisna olmaqla” sözlərindən sonra “və ödənilən dövlət rüsumu üzrə 5 min manatdan çox olmamaq şərti ilə” sözləri əlavə edilir. Yəni, həmin xidmətləri və hüquqi hərəkətləri həyata keçirən dövlət orqanlarının xəzinə hesabına köçürülən məbləğ 5 min manatdan artıq olmamalıdır.
Layihə səsə qoyularaq qəbul edilib.
