Braziliyada 2018-ci ildə dirir-diri basdırılan 37 yaşlı qadının işi ilə bağlı açılmış cinayət işinə xitam verilib. Ölkə məhkəməsi qızları diri-diri basdırılan ailəni günahkar çıxarıb.
Tribunainfo.az xəbər verir ki, qan donduran hadisə 2018-ci ildə baş versə də məhkəmə bu günlərdə yekunlaşıb. Belə ki, həkimlərin öldüyünü dediyi və bununla bağlı ailəsinə kağız verdiyi 37 yaşlı qadın basdırıldıqdan sonra dirilib. 11 gün məzardan çıxmaq üçün mübarizə aparsa da, o buna nail ola bilməyib.
Qadının məzarını ziyarət edən yaxınları məzardan qəribə səslərin gəldiyini bildiriblər. Məzarlıq mühafizəçiləri belə səslərin 11 günə qədər gəldiyini bildirib. Braziliyada məzar açmaq qadağası olduğundan və buna cəhd edən şəxsi 3 ilə qədər həbs təhlükəsi gözlədiyindən ailə buna risk etməyib. Ancaq ailənin məhkəməyə müraciətindən sonra qəbir açılıb.
Dəhşətli faktın üstü də elə bu zaman açılıb. Tabutun içi yarıya qədər qan olub. Tabut qoyulduğu şəkildə fərqli formada olub. Həmçinin tabutun bağlanmış yerlərinin dartıldığı, müdaxilə edildiyi görünüb. Meyitə baxış zamanı onun qollarında, alın hissəsində göyərmələr olduğu məlum olub. ailə qızlarının qol və alnında əvvəllər belə ləkə və göyərmələrin olmadığını bildirirb. Bütün bunlar qadının basdırıldıqdan sonra dirildiyini göstərsə də, 5 ildir davam edən məhkəmə ailənin əleyhinə qərar verib.
Məhkəmə qadının diri-diri basdırılmadığı, onun basdırılarkən öldüyü ilə bağlı qərar qəbul edərək cinayət işinə xitam verib.
