İnternet asılılığının gənclərin beyin kimyasını dəyişdirdiyi, daha çox asılılıq yaradacaq şəkildə “neyron şəbəkələrini” pozduğu, yaddaşı zəiflətdiyi məlum olub.
Tribunainfo.az Milliyet-ə istinadən xəbər verir ki, bu gün bir çox gənc internet aludəçisidir.
Bu elə bir asılılıqdır ki, gənclər internetdən uzaq olanda özlərini dəli kimi hiss edirlər. Yeni araşdırmaya görə, bu, internet asılılığının gənclərin beyin strukturunu dəyişdirməsi ilə bağlıdır.
Gənclərin yarısının internetdən asılı olduğu İngiltərədəki UCL Great Ormond Street Uşaq Sağlamlığı İnstitutunda (GOS ICH) çalışan akademiklər deyirlər:
İnternet aludəçilərinin “funksional maqnit rezonans görüntüləmə” (fMRI) qeydləri araşdırılıb.
Araşdırma nəticəsində məlum olub ki, internet asılılığı gənclərin beyin kimyasını dəyişir. İnternet asılılığı ilə beyində çoxlu sinir şəbəkələrində meydana gələn dəyişikliklərin daha çox asılılıq və mənfi davranışlara səbəb olduğu müəyyən edilmişdir. Bundan əlavə, tədqiq edilən qeydlərdə beynin aktiv düşüncə ilə məşğul olan hissələrində, yaddaş və qərar qəbul etməkdən məsul olan icraedici idarəetmə şəbəkəsində funksional əlaqədə azalma da müşahidə edilmişdir. Araşdırmalar göstərib ki, beyində baş verən dəyişikliklər yeniyetmələrdə nəinki asılılığı artırır, həm də psixi sağlamlıq və intellektual qabiliyyətlərə mənfi təsir göstərir. Mütəxəssislər müəyyən ediblər ki, internet aludəçisi gənclərin beyinləri hətta istirahət edərkən belə dincələ bilmir və bəzi hissələrdə aktivlik müşahidə olunur.
