Havaların isti keçməsi bir çox sağlamlıq problemlərini üzə çıxarır. 
Havaların isti keçməsi bir çox sağlamlıq problemlərini üzə çıxarır.
Xüsusilə, təzyiq xəstələrinin isti havalarda beyin qanaması keçirtmək riski çox yüksəkdir. Odur ki, buna qarşı ehtiyat tədbirləri görmək vacibdir.
Ailəm.az xəbər verir ki, beyin qanaması riski isti havalarda artır. Təzyiqin ani yüksəlməsi beyin qanamasına səbəb olur. Bəzi qaraciyər xəstəlikləri, yüksək dozada spirtli içki istifadəsi, damarlarda dəyişikliyin olması və laxtalanmanın qarşısını alan dərman istifadəsi də bu problemə yol açır.
Necə tədbir görmək olar?
Beyin qanması zamanı ciddi baş ağrısı, ürək bulanma, qusma, huşun itirilməsi kimi əlamətlər ortaya çıxır. Qanamanın yaşandığı beyin bölgəsinə bağlı olaraq iflic olma ehtimalı da var. Şəkər, damar xəstəliyi, yüksək təzyiqi olan insanlarda bu şikayətlər yaşandığı zaman beyin qanaması ehtimalı yüksək olduğundan dərhal xəstəxanaya getmək lazımdır.
İsti havalarda beyin qanamasının qarşısını almaq üçün bu tədbirləri görün:
– Günəşin birbaşa təsirlərindən qorunmaq üçün papaq taxın.
– Səhər saat 10:00 ilə günorta 14:00 arası günəş altında gəzməyin.
– Ac qalmayın. Sağlam və müntəzəm qidalanın.
– Gün ərzində artan su ehtiyacını qarşılayın. Təzyiq dərmanlarını vaxtında qəbul edin.
