Ukraynanın xarici işlər naziri Dmitri Kuleba istefa verib.
Tribunainfo.az xəbər verir ki, bu barədə Ali Radanın deputatı Aleksey Qonçarenko məlumat yayıb.
D. Kuleba istefa ərizəsini Ali Radaya təqdim edib.
Ərizənin fotosu da yayılıb.
Qeyd edək ki, sentyabrın 3-də ədliyyə naziri Denis Malyuska, strateji sənaye naziri Aleksandr Kamışin, ətraf mühitin mühafizəsi və təbii sərvətlər naziri Ruslan Strelets, baş nazirin Avropa və Avro-Atlantika inteqrasiyası üzrə müavini Olqa Stefanişina və baş nazirin nəzarətsiz ərazilərin reinteqrasiyası məsələləri üzrə müavini İrina Vereşçuk da vəzifələrindən azad edilib.
