Dövlət İmtahan Mərkəzi (DİM) buraxılış imtahanında iştirak edəcək 9-cu sinif şagirdlərinə xəbərdarlıq edib.
Dövlət İmtahan Mərkəzi (DİM) buraxılış imtahanında iştirak edəcək 9-cu sinif şagirdlərinə xəbərdarlıq edib.
DİM-in mətbuat xidmətindən TİA.AZ-a verilən məlumatda xatırladılıb ki, martın 5-də Bakı və Sumqayıt şəhərləri, Abşeron, Xızı və Qobustan rayonlarının ümumtəhsil müəssisələrinin 9-cu sinif şagirdləri üçün buraxılış imtahanının birinci mərhələsini keçirəcək.
Şagirdlər imtahana gələrkən aşağıdakı sənədləri mütləq gətirməlidirlər:
– imtahana buraxılış vərəqəsini;
– şəxsiyyəti təsdiq edən sənədin əslini: (Azərbaycan Respublikasının vətəndaşları (16 yaşı tamam olmayan şagirdlər də daxil olmaqla) şəxsiyyət vəsiqəsini; əcnəbilər və vətəndaşlığı olmayan şəxslər Dövlət Miqrasiya Xidməti tərəfindən verilmiş icazə vəsiqələrini, qaçqın statusu almış xarici vətəndaşlar və onların ailə üzvləri isə qaçqın vəsiqələrini)
Şəxsiyyət vəsiqəsində şəkli olmayan şagirdlər imtahana gələrkən digər sənədlərlə yanaşı, təhsil müəssisəsi tərəfindən verilmiş və fotoşəkilləri yapışdırılmış arayışı (arayışa şagirdin 3x4sm ölçülü şəkli yapışdırılır və şəkil möhürlə təsdiqlənir) da gətirməlidirlər.
Göstərilən sənədlərdən biri olmazsa və ya sənədlər arasında uyğunsuzluq olarsa, şagird imtahana buraxılmayacaq.
