İsveçin Lund Universitetinin alimləri müəyyən ediblər ki, C3 adlı xüsusi zülal insulin istehsal edən hüceyrələri məhv olmaqdan qoruyur və bununla da diabetin inkişaf riskini azaldır.
Tribunainfo.az xəbər verir ki, tədqiqatın nəticələri “Proceedings of the National Academy of Sciences” (PNAS) jurnalında dərc olunub.
Alimlər siçovullar üzərində apardıqları laboratoriya təcrübələrində IL-1B adlı zülalın iltihaba və insulin istehsal edən hüceyrələrə zərər verə biləcəyini müəyyən ediblər. Başqa bir hüceyrədaxili zülal, C3, əksinə, hüceyrələri qoruyur.
Alimlər insulinin mədəaltı vəzindəki Langerhans adacıqlarının beta hüceyrələrində istehsal olunan bir hormon olduğunu izah edib. İnsulin istehsal edən hüceyrələrin disfunksiyası qeyri-kafi sekresiya və ya istənilən bioloji effekti verə bilməməsi ilə müşayiət olunur. Bu, öz növbəsində, şəkərli diabetə səbəb ola bilər, çünki insulin qidadan qlükozanı normal şəkildə emal etməyi dayandırır.
Bu fərziyyənin düzgünlüyünü yoxlamaq üçün alimlər siçovullarda insulin istehsal edən hüceyrələrdə C3 aktivliyini sıxışdırıblar. Bu müdaxilənin nəticələri göstərib ki, C3 olmayan hüceyrələr IL-1B-nin zərərli təsirlərinə daha çox həssasdırlar. Bu, diabetə bənzər xəstəliklərin (məsələn, prediabet) daha sürətli inkişafına səbəb olub.
