“Azəri Med” QSC 2025-ci ilin 11 ayı ərzində ümumilikdə nə az, nə çox – 103 milyon manatlıq tender udub.
Tribuna xəbər verir ki, şirkət deputat Kəmaləddin Qafarova aiddir. Bu mövzuda yenicag.az yazıb. Bu tenderlər müxtəlif dövlət qurumlarının keçirdiyi olsa da, nə hikmətdirsə, yalnız deputatın şirkəti qalib olub. 103 milyon manatlıq tenderi bir şirkətin qazanması suallar doğurur.
Sayt araşdırıb ki, noyabrda iki gün içində “Azeri Med” 2 tender qazanıb. Noyabr ayının 19-u 1.183.585,91 manatlıq (1 milyon 183 min 585 manat 91 qəpik) Akademik M. Topçubaşov adına Elmi Cərrahiyyə Mərkəzinin “Maşın və avadanlıqların satın alınması – Tibbi cihazlar və alətlər” tenderini “Azeri Med” qazanıb. Bundan iki gün sonra, yəni noyabrın 21-i (4 gün öncə) Azərbaycan Respublikası Dövlət Gömrük Komitəsi Tibbi Xidmət İdarəsinin Mərkəzi Hospitalının keçirdiyi 129.941,54 (129 min 941 manat 54 qəpik) manatlıq tenderi də eynilə “Azeri Med” qazanıb.
Deputata aid edilən başqa şirkətlər də var. Bunlar “Versal Palace” MTK, “Kanon” MMC,”Shafran” MMC, “Avestafarm” MMC, “Mega Pharmacy” MMC, “Naturalist” Fərdi Firması, “Helios Paharma” MMC və “Salidont LTD”-dir.
Həsən Abdin
