Aksarayda bir nəfər parkda ondan siqaret istəyən iki nəfərə “Siqaretim yoxdur” deyib. Tribunainfo.az NTV-yə istinadən xəbər verir ki, həmin şəxs bunu deyəndə kürəyindən bıçaqlanıb.
Yaralanan və xəstəxanaya çatdırılan RK adlı əcnəbi vətəndaşa tibbi yardım göstərilərkən polis hücum edənləri axtarır.
Hadisə Kılıçaslan rayonunda, Atatürk Bulvarı yaxınlığındakı parkda baş verib.
Əldə edilən məlumata görə, xarici ölkə vətəndaşı olan 24 yaşlı R.K. parkda gəzərkən tanımadığı iki nəfər tərəfindən saxlanılıb.
Şübhəlilər R.K-dan siqaret istəyiblər.
Mənfi cavab verən R.K. şübhəlilərdən biri tərəfindən kürəyindən bıçaqlanıb.
R.K-nın qanlar içində yerdə uzandığını görən ətrafdakılar vəziyyəti 112 Təcili Yardım Mərkəzinə bildiriblər.
