Belçika yığması DÇ-2018-in təsnifat mərhələsi çərçivəsində səfərdə Yunanıstan komandasına 2:1 hesabı ilə qalib gələrək mundialın final hissəsinə vəsiqəni təmin edib.
Belçika yığması DÇ-2018-in təsnifat mərhələsi çərçivəsində səfərdə Yunanıstan komandasına 2:1 hesabı ilə qalib gələrək mundialın final hissəsinə vəsiqəni təmin edib.
TİA.AZ-ın məlumatına görə, belçikalıların heyətində Yan Vertonqen (70-ci dəqiqə) və Romelu Lukaku (74) fərqlənib. Meydan sahiblərinin heyətinsə isə Zeka (73) adını tabloya yazdıra bilib.
H qrupunda yer alan Belçika yığması ikinci pillədə qərarlaşan Bosniya və Herseqovinanı səkkiz xal qabaqlayır. Belçikalılar DÇ-2018-in final hissəsinə vəsiqəni vaxtından əvvəl qazanıblar.
Bundan əvvəl Rusiya, Braziliya, İran, Yaponiya və Meksika milliləri də mundiala vəsiqəni təmin ediblər.
A qrupunda Lüksemburq yığması fransızlarla bərabərliyə qalıb (0:0). Fransa yığması qrupa 17 xalla başçılıq edir. Lüksemburq komandası beşinci pillədə qərarlaşıb (5).
B qrupunda Portuqaliya Macarıstan millisinə qalib gəlib (1:0), isveçrəlilər isə latviyalıları darmadağın ediblər (3:0). İsveçrə yığması 24 xalla qrup lideridir, portuqaliyalılar 21 xalla ikinci, macarlar isə 10 xalla üçüncüdürlər. Latviya yığması 3 xalla sonuncu – altıncı pillədə qərarlaşıb.
