Abşeron yarımadasında əsən güclü külək daha bir idman yarışının təxirə salınmasına səbəb olub.
Oxu.Az-ın əldə etdiyi xəbərə görə, qadın voleybolu üzrə Azərbaycan Superliqasının IX turunun bu günə nəzərdə tutulmuş matçları təxirə salınıb.
Belə ki, bu gün saat 15:00-da “Lokomotiv” – AVF və 17:00-da “Abşeron” – “Azərreyl” görüşləri keçirilməli idi. Lakin federasiyanın vitse-prezidenti Faiq Qarayev hava durumuna uyğun olaraq bugünkü görüşlərin aprelin 2-nə təxirə salınmasına dair qərar verib.
Qeyd edək ki, bu görüşlər Dərnəgül Voleybol Mərkəzində keçirilməli idi.
Xatırladaq ki, bu gün velosiped üzrə (kriterium) Bakı çempionatının I turu təxirə salınıb.
