Gənclər və idman naziri Azad Rəhimov birdən çox medal qazanan idmançılara yalnız bir medal üçün nəzərdə tutulan mükafatın ödəniləcəyi barədə yayılan xəbərlərə aydınlıq gətirib.
Gənclər və idman naziri Azad Rəhimov birdən çox medal qazanan idmançılara yalnız bir medal üçün nəzərdə tutulan mükafatın ödəniləcəyi barədə yayılan xəbərlərə aydınlıq gətirib.
TİA.AZ xəbər verir ki, nazir xəbərlərin həqiqətə uyğun olmadığını dilə gətirib: “Bakı 2017″ IV İslam Həmrəyliyi Oyunlarında Azərbaycan idmançılarına pul mükafatlarları qazandıqları medal sayına uyğun veriləcək. Prezidentin sərəncamı var və heç bir söz-söhbət bu sərəncamı dəyişdirə bilməz”.
Xatırladaq ki, Prezident İlham Əliyevin sərəncamına əsasən, qızıl medal qazanan idmançılara 100 min manat pul mükafatı dövlət, 50 min manat isə Milli Olimpiya Komitəsi tərəfindən ödəniləcək.
Onu da qeyd edək ki, İslamiadada Azərbaycan idmançılarından güllə atıcısı Ruslan Lunyov və üzgüçü Maksim Şemberev 4 qızıl medal qazanıb.
