2016-cı ildə Bred Pittlə yollarını ayıran Ancelina Coli ötən gün reper və siyasi fəal Akala ilə Venesiyada oteldən çıxarkən görüntülənib. İkilinin təxminən bir ildir ciddi olmayan bir əlaqəsi olduğu ortaya çıxsa da; Colinin Akala ilə yanaşı Brodvey bəstəkarı Castin Levin ilə də görüşdüyü və hər iki kişi ilə sevgili olduğu iddia edilib.
Tribunainfo.az Milliyet-ə istinadən xəbər verir ki, bir vaxtlar dünyanın ən məşhur cütlüyü olan Ancelina Coli ilə Bred Pittin sevgi macərası 2005-ci ildə başlayıb və 2016-cı ildə hadisəli şəkildə bitib. Coli iddia edib ki, Pitt təyyarə səfəri zamanı ona və onlarla birlikdə olan uşaqlarından birinə qarşı zorakılıq edib.
Maddox, Pax, Zahara, Shiloh, Knox və Vivienne adlı altı övladı olan Ancelina Coli-Brad Pitt cütlüyünün mübahisəli boşanmaları yekunlaşa bilmədiyi üçün məhkəmə tərəfindən rəsmi olaraq subay elan edilib.
Ötən gün Venesiya Beynəlxalq Film Festivalına qatılan 49 yaşlı Ancelina Colinin adı əsl adı Kingslee James McLean Daley olan britaniyalı reper və siyasi fəal Akala (40) ilə eşq dedi-qodularına qarışmışdı.
İkili çərşənbə günü birlikdə Venesiyada oteldən çıxarkən kameralara tuş gəlib. Coli və Akalanın ciddi münasibəti olmasa da, bir ildən çoxdur ki, bir-birləri ilə görüşürlər.
