Dünya pop səhnəsinin ulduzu Cennifer Lopez və Hollivud akryoru Ben Afflek
rəsmi olaraq boşanıblar.
Tribunainfo.az xəbər verir ki, bu barədə “People” jurnalı məlumat yayıb.
Məhkəmənin qərarı Lopezin avqustun 20-də boşanmaq üçün ərizə verdikdən təxminən 20 həftə sonra verilib.
“CBS News”un məlumatına görə, cütlük uzun sürən məhkəmə prosesləri olmadan boşanma ilə bağlı maliyyə məsələlərində razılığa gəlib.
Xatırladaq ki, Ben Afflek və Cennifer Lopez 2022-ci ildə evləniblər. Ben Afflek 2005-2018-ci illərdə aktrisa Cennifer Qarnerlə evli olub. Cennifer Lopez üçün Affleklə evlilik ardıcıl olaraq dördüncü olub. Lopezin üçüncü əri Mark Entonidən iki övladı var.
