Çinin cənub-qərbində səmada iki parlaq sarı günəş peyda olub və yerli sakinləri çaşdırıb.
Tribunainfo.az xəbər verir ki, bu barədə İndependent məlumat yayıb.
Sıçuan əyalətinin Çendu şəhərindən bir velosipedçinin bir neçə gün əvvəl müəmmalı mənzərəni videoya çəkdiyi bildirilir.
Videodakı hər iki günəş bir-birinin altında yerləşir. Onlar mükəmməl yuvarlaq və parlaq sarı görünür, aşağıdakı günəş yuxarıdakından bir qədər kiçikdir.
Günəşin ikiqat şəklinin ilk dəfə aşkarlanması olmasa da, elm adamlarının hələ də bu qəribə fenomen haqqında öyrənəcəkləri çox şey var. Astronomlar bunun çox güman ki, nadir bir ilğım hadisəsi olduğunu irəli sürürlər.
