Dünyanın aparıcı sənaye ölkələrindən biri olan Almaniyada pandemiya və Rusiyanın Ukrayna müharibəsi ilə əlaqədar iqtisadi durğunluq həyəcan verici həddə çatıb.
Tribunainfo.az Hürriyet-ə istinadən xəbər verir ki, Almaniyanın qabaqcıl iqtisadi qurumlarının “Almaniya iqtisadiyyatı qarışıqlıq içindədir – Borc əyləci həll yolu deyil” başlığı ilə hazırladığı və dünən açıqladığı hesabatda daha əvvəl yüzdə 1,3 olacağı proqnozlaşdırılan iqtisadi artımın 2024-cü ildə yüzdə 0,1 olacağı ifadə edilib.
Gələn il üçün nəzərdə tutulan 1,5 faizlik artımın da yüzdə 1,4 olacağı gözləntiləri ilə tədbir görüldüyü vurğulanıb.
Hesabatda həmçinin qeyd olunub ki, Almaniyada iqtisadi durğunluq səbəbindən bu il Ümumi Milli Məhsulun (GNP) 30 milyard avro az olacağı gözlənilir . İqtisadi sahədəki durğunluğun dövri və struktur səbəblərlə yanaşı, siyasi sahədə yaşanan problemlərdən də qaynaqlandığı bildirilib. Pandemiyanın başlanğıcından iqtisadi sahədəki durğunluğun hələ də aradan qaldırılmadığı vurğulanan hesabatda hazırkı istehsal səviyyəsinin hələ pandemiyadan əvvəlki səviyyəyə çatmadığı vurğulanıb. Həmçinin qeyd olunub ki, hasilatın azalması xüsusilə pandemiya dövründə istehlak xərclərinin məhdudlaşdırılması və Almaniyada enerji qiymətlərinin artması səbəbindən bir çox şirkətlərin istehsalını xaricə köçürməsi olub.
