Bu ölkədə saqqız çeynəmək qadağandır – Dünyanın qeyri-adi 8 qadağası

Bu qanunların bəziləri mədəniyyət və ənənələrdən asılı olaraq inkişaf edir.

Tribunainfo.az Bakupost.az-a istinadən bəzi ölkələrə məxsus qeyri-adi qadağaları təqdim edir.

Şimali Koreyada cins şalvar geyinmək qeyri-qanunidir. Bu qadağa hökumətin qarşısını almağa çalışdığı Qərb təsiri ilə bağlıdır. Bununla yanaşı pirsinq də qadağandır. Eyni zamanda, məhdud sayda saç düzümünə icazə verilir.

Avstraliyanın Viktoriya şəhərində gecələri səs-küy salmaq təhqiredici hesab olunur. Buna avtomobil yolları, anbarlar və emalatxanalar da daxildir. Bu ənənə zaman, məkan və ətrafdakı şərtlərdən asılı deyil.

Yunanıstanda hər hansı qədim abidəni və ya tarixi məkanı ziyarət etməyi planlaşdırırsınızsa, oraya dikdaban ayaqqabı geyinə bilməyəcəyinizi unutmayın. Bunun səbəbi dikdaban ayaqqabıların səthlərə və daşlara zərər verməsidir.

İsveçdə Superman, Veranda, Metallica, İKEA və Elvis kimi bir neçə ad qadağandır. Bu, 1982-ci ildə qəbul edilmiş “Ad qanunu”na bağlıdır. Bu adların təhqir və narahatlıq doğurduğu düşünülür.

Cənubi Koreyada insanlar şəkil çəkdirərkən kameralarının səsini açmalıdırlar. 1999-cu ildə ilk telefon buraxılanda onun kamerası olub və ilk kameralı telefona yaponlar sahib idilər. Lakin şəxsi fotolar çəkməklə bundan sui-istifadə edilməyə başlayıb. Ona görə də belə bir qanun qəbul edilib.

1992-ci ildən bəri Sinqapurda saqqız hazırlamaq və satmaq qeyri-leqaldır. Çünki bəzi insanlar saqqızı zibilliyə atmaqdansa hara gəldi yapışdırır. Ona görə də, saqqızlar qatarlara zərərli təsir göstərir və qapıların düzgün bağlanmasına mane olur. Bu, kinoteatrlara, iqamətgahlara və digər ictimai yerlərə də təsir edib.

İspaniyanın bəzi bölgələrində ictimai yerlərdə yarıçılpaqlığı qadağan edən qanunlar var. Küçələrdə köynəksiz gəzmək qadağandır.

İran mədəniyyətində kişilərə at quyruğu, uclu saç düzümü və ya toppuz taxmaq qadağandır. Bunun əvəzinə kişilər saçlarını iranlıların dəri rəngi və mədəniyyətindən ilhamlanaraq düzəldirlər.