Keniya prezidenti Vilyam Ruto ölkəsinin bütün bəşəriyyətin vətəni olduğunu bəyan edərək, “Bir neçə ay ərzində bütün ölkələr üçün vizaları ləğv etməyi planlaşdırırıq” deyib.
Tribunainfo.az NTV-yə istinadən xəbər verir ki, Paytaxt Nayrobidə keçirilən Afrika İqlim Sammitində çıxış edən Ruto Keniyanın bəşəriyyətin ilk məskənlərinə ev sahibliyi etdiyinə diqqət çəkərək, buranı ziyarət edənlərdən viza istəməyin doğru olmayacağını bildirib.
Vəzifəyə gəldiyi gündən bəri bir çox ölkə ilə vizaları ləğv edən Ruto daha əvvəl bütün afrikalılara viza azadlığı verəcəyini açıqlamışdı.
