Alimlər müəyyən ediblər ki, klassik musiqi beynin müəyyən hissələrinin işinin sinxronlaşması səbəbindən depressiyaya qarşı təsir göstərə bilər.
Tribunainfo.az Hraparak-a istinadən xəbər verir ki, stabil depressiyadan əziyyət çəkən könüllülərin iştirakı ilə aparılan elmi təcrübələr zamanı mütəxəssislər klassik musiqiyə qulaq asarkən onların beyin fəaliyyətini müşahidə ediblər.
Və burada məlum olub ki, o zaman beynin emosional hisslərə cavabdeh olan hissələrində həzz və məmnunluq hissi impulsları yaranıb.
Maraqlıdır ki, klassik musiqinin antidepressant təsiri yüksək keyfiyyətli musiqini qiymətləndirən könüllülər arasında daha çox nəzərə çarpır.
