Məlum olduğu kimi, UEFA Çempionlar Liqasının qrup mərhələsinə vəsiqə qazanan “Qarabağ” ilk oyununu sentyabrın 12-də Londonda “Çelsi”yə qarşı keçirəcək. 
Məlum olduğu kimi, UEFA Çempionlar Liqasının qrup mərhələsinə vəsiqə qazanan “Qarabağ” ilk oyununu sentyabrın 12-də Londonda “Çelsi”yə qarşı keçirəcək. Qurban Qurbanovun rəhbərlik etdiyi komanda artıq dünəndən tam heyətlə bu oyun üçün məşqlərə başlayıb.
“Qafqazinfo” “Qarabağ”ın “Azərsun Arena”nın köməkçi meydançasında baş tutan məşqində iştirak edib. Futbolçuların oyuna hazırlığını izləməklə yanaşı, baş məşqçi Qurban Qurbanovla da danışdıq. Mütəxəssis suallarımıza cavab verməklə yanaşı qrupda düşdüyü komandalarla oyunlar haqqında da fikirlərini bölüşüb:
“Belə bir turnirin qrup mərhələsində iştirak edərkən həyəcanın olması normaldır. Təkcə, rəqiblərimizin adına görə yox, ÇL-də olmağımıza görə bunu normal qarşılayıram. Avropa Liqası ilə müqayisə etsək, futbolçuların yanaşmasında daha əzəmətli turnirə hazırlaşdıqları hiss olunur. Hər matçda daha dəqiq oynamağa çalışacağıq”.
Baş məşqçi qeyd edib ki, yerli azarkeşlər qarşısında məğlub olmaq ona çox pis təsir edir.
Məşqdən hazırlanmış videomaterialı təqdim edirik:
