Bu ilin yanvar-noyabr aylarında Türkiyədən Azərbaycana 1.746 min dollarlıq saqqız ixrac olunub.
TİA.AZ Türkiyə saytlarına istinadla xəbər verir ki, saqqız ixracatında birinci yeri təxminən 26 milyon dollarla İraq tutub. Sonrakı yerlərdə İran, Almaniya və Suriya qərarlaşıb.
On bir ayda Türkiyədən saqqız ixracı ötən ilin müvafiq dövrü ilə müqayisədə 30 faiz artaraq 64 milyon 510 min dollara çatıb. Ötən il bu rəqəm 49 milyon 383 min dollar olub. Türkiyədən bu dövrdə 60 ölkəyə 14 ton saqqız göndərilib.
