Çərşənbə günü, fevralın 7-də səhər saatlarında Rusiya Ukraynanı müxtəlif tipli 64 raket və kamikadze dronları ilə vurub, hava hücumundan müdafiə qüvvələri isə düşmənin 44 hədəfini məhv edib.
Qaynarinfo xəbər verir ki, bu barədə Ukrayna Hərbi Hava Qüvvələri Komandanlığının mətbuat xidməti məlumat yayıb.
“2024-cü il fevralın 7-də günün əvvəlində düşmən müxtəlif hava hücumu vasitələrindən – hücum PUA-ları, qanadlı, ballistik və zenit raketlərindən istifadə etməklə Ukrayna ərazisinə bir neçə hücum həyata keçirib”, – məlumatda deyilir.
Rusiya ümumilikdə 64 hava hücumu silahından istifadə edib:
– Şahed-136/131 tipli 20 hücum PUA (Çauda – Krım);
– 10 Tu-95MS strateji təyyarəsindən 29 X-101/X-555/X-55 qanadlı raketi (Xəzər dənizi, Engelsdən buraxılıb);
– Tu-22M3 bombardmançılarından 4 ədəd Kh-22 qanadlı raketləri (atma sahəsi – Sevastopol, Kursk);
– Qara dənizdəki daşıyıcılardan 3 ədəd dəniz əsaslı “Kalibr” qanadlı raketləri (atma sahəsi – Novorossiysk);
– 3 ədəd “İsgəndər-M” ballistik raketi (Tarxankut burnundan buraxılıb – Krım, Voronej vilayəti – Rusiya Federasiyası);
– 5 ədəd S-300 idarəolunan zenit-raket kompleksi (buraxılış sahəsi – Belqorod vilayəti – Rusiya Federasiyası).
Bildirilir ki, döyüş işləri nəticəsində Hərbi Hava Qüvvələri və Müdafiə Qoşunlarının atıcı silahları ilə bu 44 hava hədəfi məhv edilib:
– 26 qanadlı raket X-101/X-555/X-55;
– 3 qanadlı raket “Kalibr”;
– “Şahed-136/131” tipli 15 hücum PUA-sı.
Silahlı Qüvvələr qeyd edir ki, hava hücumunu dəf etmək üçün Hərbi Hava Qüvvələrinin zenit-raket qoşunları və qırıcı təyyarələri, Ukrayna Müdafiə Qüvvələrinin mobil atəş qruplarının bölmələri, elektron döyüş texnikası istifadə olunub.
