Bu gün UEFA Çempionlar Liqasında pley-offun oyunlarına start veriləcək.
Tribunainfo.az xəbər verir ki, Azərbaycan təmsilçisi “Qarabağ” da səfərdə ilk oyununa çıxacaq.
Qurban Qurbanovun komandası Xorvatiyada Zaqreb “Dinamo”su ilə üz-üzə gələcək.
“Maksimir” stadionunda keçiriləcək qarşılama saat 23:00-da start götürəcək.
Qeyd edək ki, cavab oyunu avqustun 28-i Tofiq Bəhramov adına Respublika stadionunda, saat 20:45-də baş tutacaq.
Çempionlar Liqası
Pley-off, ilk oyun
20 avqust
23:00. “Dinamo” – “Qarabağ”
Baş hakim: Qlenn Nyuberq
Baş hakimin köməkçiləri: Mahbod Beiqi, Andreas Söderkvist
Dördüncü hakim: Adam Ladebek
VAR hakimləri: Bastian Dankert və Yohann Pfeifer
UEFA nümayəndəsi: Filip Popovski
“Maksimir” stadionu
